上次講到整左鳳梨酥比老爺奶奶，第二日就趕到機場交比堂妹帶返韓國喇，一去到機場katie好興奮喎，我懷疑佢以為我地又一齊出國呀..

唔洗笑得咁開心喎，扮晒乖咁都冇得上機架喇..

鏡頭前行到淑女咁..鏡頭後操兵咁行喇..

估唔估到金小姐見到咩手指指? 原來佢係見到有個廣告燈箱有一個好靚仔既鬼仔BB丫..仲即時比左個飛吻添! (周圍放電)

顧住睇靚仔BB , Appa走到好遠喇..仲唔追! (人仔細細，學人行得幾大步)

到左堂姑姐入閘喇，比人引下佢就衝左去閘口差D入埋去呀，最後當然比人拉番出黎啦~!

Katie 同表妹最鐘意睇芝麻街同天線得得B，特別係Elmo，日日都會有2小時睇教才材，其實真係唔錯，教材中佢學曉咩係"洗洗手" " NOSE" "耳仔""腳仔"..最近仲跟得得B跳tic tac舞..好攪笑...

就前一排帶佢上山頂行下街 ,經過一間賣有機食物既商店時,佢就手指指好雀躍咁...再睇原來佢係見到elmo既紙包果汁丫! 見佢咁開心daddy就買左排比佢 , 有機野真係貴D細細包都要$10/包。小妹妹得手後一直唔尊心同我行街 , 因為佢對眼只係望住盒汁汁..真係好想飲咩? 好啦!帶你去BUGER KING食薯條飲汁汁啦.. 一邊食薯條，一邊嘆汁汁..睇佢幾得戚

星期五晚約左堂姑仔食飯，知佢地sunday就返韓國，所以一早已經買定材料做鳳梨酥等姑仔可以帶返去比老爺奶奶做手信。星期六同佢地上山頂行下食飯，再轉去旺角行夜街，全程katie開心都暈，一有機會就落地走走走，仲好風騷係咁同兩個靚女玩但可惜佢堂姑姐同佢玩時katie就...唔通知只會同靚女玩?呵呵..玩到11點幾Katie都攰到訓左，我抱佢訓我都好攰..心諗一陣返到屋企仲要趕工丫..

1:30am 開始做，整左36個鳳梨酥，三款公仔! 其實我覺得時間用得最多係磅份量，入模出模又要輕手..天氣熱牛油又快溶..真係好似同時間玩遊戲咁..焗最後一批時望下鐘已經5:30am喇..好眼訓丫..仲點等出焗既酥再降溫? 唯有早D起身做Packing果part啦!

泡菜屋企一盒，泡菜姨媽一盒

Katie真係好孝順丫..我6:00am訓佢9:00am就起身啦! 唔知多謝佢好定點好..都好既..早D起身做埋下part功夫，皆因1:00pm就要出發去送機喇..

Pack埋，送埋比泡菜屋企人。

金先生知我成晚冇訓整手信，即時匯報比老爺知!呵呵! 我又記一功喇! 希望佢地會鐘意我為佢地準備既手信啦!

《內文有"Mrs.Field Cookies"食譜》

(閱讀全文)

前晚小寶貝訓左又心郁郁想整野食 , 結果決定做鳳梨酥 ..當時11:45 諗住一個鐘都做得起 , 左攪右攪最後焗到2:15先出爐丫! 可能係我心急關系啦 ,原食譜話要150度焗15-20mins,但我見焗左15mins都冇咩反應,就較左180度焗多10mins! 結果chip既面裂左丫..oh no..我諗係太熱攪到佢"爆冊"

第日帶左返公司比白老鼠同事試 , 好出奇地仲好脆架! 個餡仲好好食添 ! 金先生堂妹星期五黎香港玩 , 我諗到可以做D鳳梨酥比佢仲可以交比老爺做手信喇!  

《內文有食譜》

(閱讀全文)

-松餅
最具代表性的食物，在米麵粉揉合的麵皮內，放入黃豆、紅豆、栗子、紅棗等內餡，再捏成半月型模樣。蒸松餅時，會在蒸籠上鋪上一層松葉，讓松葉的香氣隨著蒸氣慢慢滲入松餅內，而更美味可口。從前在中秋的前一天晚上，全家人會聚集在月光盈照的庭院內製作松餅。傳說若松餅作的漂亮，將會遇到美好的另一伴，因此年輕的未婚男女，常會滿心愉悅地努力捏製松餅。

自製韓式辣少年糕..味道8成似..2成係咩?咪由韓國魚旦變左港式香腸..因為附近買唔到材料啊..尼隻韓國年糕質地超煙un! 好食到暈! 閒時我都會keep一包係雪櫃看門口 , 因為我同金先生都好鐘意食，尋日做黎做下午茶，無胃口既katie竟然對我手頭上既辣年糕有興趣...真係激死..咁辣又點比到佢食呢?

Katie 跟表妹病左接近一星期..醫生都睇左第三次..攪到無晒胃口..連平時鐘意食既包包都唔食..奶奶又唔食..攪到個個都話佢瘦左..每次聽到佢咳都覺得好可憐.. 尋日見佢訓左就試下焗蜜糖鬆餅比佢做小食..就佢訓醒我就剛剛出爐..我用個新碟盛起比佢自已食..可能新野關係..都好比面食左5個..肯食少少我都冇咁擔心喇..帶望佢會快D好..

最近睇到西米糕既做法原來好容易架..我又鐘意食..終於試做成功,雪凍左好好食呀，質地仲無變 ! 一樣仲好煙un丫..YEAH!

1.西米100g 浸水半小時 ，隔水後加 半匙生抽及30g糖拌勻

2. 模具薄薄揸一層油(方便倒模)

3. 西米放入模具1/3滿,加綠茸,再1/3 西米掃平

3. 滾水入鑊蒸20mins 便完成

晶塋通透既西米糕誕生喇~~

今日我地一家三口去尖咀行街街丫..先去九龍公園散散步跟katie影下相, katie好開心丫..可能平時少出街..一出街好興奮, 手仔不停fing fing下..帶佢睇鴨仔 ..白鴿..佢都手指指

晚餐時間去左草苑食韓國菜..D姐姐見金先生個寶貝女黎即時工作都唔做 , 有個仲好笑,mee左個橙比佢食..哈哈 橙係katie既至愛,唔怪得佢肯跟姐姐

辣到傻既 " NA JI MOK GAM " 我次次都要食..太刺激喇!

小朋友又攪事..全程都係玩枱上既前菜..好似玩煮飯仔咁

食飽飽時間岩岩好去星光大道睇Show ..Katie見有姨姨賣閃燈捧睇到唔捨得行..最後當然買左個比佢玩啦

大家留意以上三張相..有咩變化?? ... 開估 ..有人將個blueberry cheese cake only 食晒d blueberry丫!! 太過份喇...一手一粒就放入口食..daddy叫比一粒都唔理丫..

Appa 一啖 , 我一啖..唔記得左Omma..嗚嗚..

十點幾..金小姐眼訓lu.. 要返屋企喇..byebye

又試做新野..今次係好香脆既蝴蝶酥..原來好容易做架 ..尋晚整今早我試一樣好脆丫..不過下次我會再整甜D

今年想自已做冰皮月餅..因為往年公司..親戚送來月餅時..第一時間就係諗希望係冰皮啦..哈哈 ..傳統月餅係我家中不受歡迎..只係放盒過節加點氣氛宜而..冰皮月餅感覺上較清新吸引點

第一次做連自已都唔知味道如何, 唯有請同事做白老鼠比D意見啦..哈哈 請各位放心食用..

預早跟大家說聲 : 中秋節快樂 !! 人月兩團圓 !!

尋既等Katie覺覺豬後又出手喇..今次係試做吞拿魚酥 .. 都唔難做..不過今次制作過程中受到不知名電話煩擾..攪我到心情欠佳..原本個酥酥個樣我可以整得仲靚靚架..可惜無咩Mood喇..少少求其就算..

另外整左少許一口酥,原本打算帶返公司請同事食...可惜我覺得今次整得唔太靚 , 最後打消念頭..下次再努力過